Haqqımızda

EduTech İT Təlim və Xidmətlər Mərkəzi 2015-ci ildə təsis olunub. Həmin ildə EduTech Microsoft şirkətinin tədris üzrə rəsmi tərəfdaşı kimi qeydə alınıb və Microsoft Silver Learning Partner statusunu əldə etmişdir. Bununla yanaşı Certiport-un Azərbaycandakı yeganə rəsmi imtahan mərkəzi olaraq beynəlxalq sertifikat imtahanlarında iştirak etmək istəyən şəxslər üçün xidmət göstərir.

Hazırda mərkəzdə bir sıra böyük Microsoft, CİSCO, HP, VMWare və s. kimi vendorların məhsulları haqqında yerli mütəxəssislərimiz tərəfindən təlimlər həyata keçirilir. Mərkəz günümüzün tələblərinə cavab verəcək müasir texnoloji qurğularla təmin olunub, o cümlədən mərkəzdə İKT sahəsində araşdırmaların aparılması, ana dilimizdə elektron jurnal və digər vəsaitlərin hazırlanması həyata keçirilir. Həmçinin mərkəzin tərkibində tələbələr və mütəxəssislərdən ibarət kiçik həcmli klublar fəaliyyət göstərir ki, bu da gənclərin öz biliklərini inkşaf etdirməsinə xüsusi imkan yaradır. Eyni zamanda hər bir tələbəyə fərdi yanaşmaqla onlara müxtəlif güzəştlər nəzərdə tutulmuşdur.

İT infrastrukturun sabitliyini təmin etmək məqsədilə şirkətimiz yüksək səviyyəli İT konsaltinq və autsorsinq xidmətləri təklif edir. İT xidmətlər göstərdiyimiz müştərilərimizin siyahısına özəl şirkətlər, dövlət müəssisələri, təhsil və digər sahələri əhatə edən qurumlar daxildir. Xidmətlər ixtisaslaşmış, on ildən çox peşəkər təcrübəyə malik olan yerli mütəxəssislərimiz tərəfindən həyata keçirilir.